WABABE wa
Yanga, Kagera Sugar jioni hii wamelazimishwa sare ya bila kufungana na JKT Ruvu
ya Pwani katika mchezo wa Ligi Kuu ya Vodacom Tanzania Bara, uliofanyika kwenye
Uwanja wa Kaitaba, Bukoba.
Sare hiyo
imeisaidia JKT kupanda kwa nafasi moja kutoka ya 13 hadi ya 12, juu ya JKT
Mgambo ya Tanga, wakati Kagera imelingana kila kitu sasa na Yanga, pointi na
wastani wa mabao, zikiwa katika nafasi ya nne na ya
tano.
Sare hii,
maana yake Kagera imeshindwa kuendeleza wimbi la ushindi waliloanza nalo juzi,
wakiifunga Yanga 1-0, kwa bao pekee la Themi Felix katika dakika ya 67 kwenye
Uwanja wa Kaitaba, Bukoba.
Felix
aliyeingia kipindi cha pili kuchukua nafasi ya Mnigeria, Enyinna Darlington kwa
kumtungua bao hilo, kipa Mghana wa Yanga, Yaw Berko, ameendeleza rekodi yake
kuvifunga vigogo, Simba na Yanga katika Uwanja
huo.
Ligi hiyo,
itaendelea kesho kwa mchezo mmoja, utakaopigwa Uwanja wa CCM Kirumba, Mwanza
baina ya wenyeji Toto African na Yanga SC.
0 comment.:
Post a Comment