SPORTS OF TANZANIA

Wabaya wa Yanga, wakata miwa wa Kagera Sugar wamesafiri leo kwenda Manungu Turiani mkoani Morogoro ambapo kesho kutwa wataingia dimba la Manungu Complex kuvaana na wakata miwa wenzao Mtibwa sukari wana tamu tamu.

Kocha mkuu wa Kagera sugar Abdalah King Kibadeni Mputa amesema vijana wake wapo salama, wana morali kubwa ya kushinda mchezo hu.

Mputa amesema mechi hiyo ni ngumu kwao lakini wana matumaini ya kufanya vizuri katika mechi hiyo kama walivyofanya mechi za nyuma.

“Kwa kifupi vijana wangu ni wazuri, sina majeruhi na naamini watafanya makubwa hapo kesho kutwa. Mashabiki wa Lagera na Tanzania nzima watambue tunaenda kubeba pointi zote tatu“. Kibadeni amesema.

Kagera waliwafunga Yanga kwenye uwanja wa Kaitaba bao moja kwa bila na kutoa sare dhidi ya Simba uwanja wa Taifa Dar es salaam.

Hivyo Kibadeni amesema kikubwa ni kuendeleza rekodi nzuri msimu huu na kupata mafanikio makubwa taofauti na msimu uluiopita.

Kwa upande wa wenyeji wao Mtibwa Sukari wamesema mchezo huo ni mgumu kwani Kagera ni timu nzuri lakini wamejipanga vizuri kutokana na ubora wa kagera sugar.

Meneja wa Mtibwa Sugar David Bugoya amesema mashabiki wa Mtibwa wanatakiwa kutokata tamaa baada ya kufungwa na Coastal Unioni mabao mawili kwa bila jumamosi ya wiki iliyopitabali waangalie mechi ya kesho kutwa.