- SPORTS OF TANZANIA

MARIO Balotelli sifa yake kubwa ni utukutu na kadi kibao uwanjani- basi katika Ligi Kuu ya Vodacom Tanzania Bara ukiwasaka wachezaji wenye sifa kama za Mtaliano huyo mwenye asili ya Ghana anayechezea Manchester City unaweza kuwapata kwa urahisi katika klabu ya African Lyon ya Dar es Salaam.

Hadi sasa, ikiwa imecheza mechi 11 za Ligi Kuu, Lyon inaongoza kwa adhabu za kadi, ikiwa ina kadi 30, kati hizo mbili ni nyekundu na 28 za njano.

Mtibwa Sugar inafuatia kwa kuwa na watukutu wengi kikosini, hadi sasa ikiwa na kadi 22, kati ya hizo mbili ni nyekundu.

Mgambo ndio inafuata kwa kuwa na akina Balotelli wengi, hadi sasa ikiwa imepewa kadi 23, ingawa bahati nzuri kwao zote ni za njano, wakati Toto African ni ya tatu kwa kucheza mchezo usio wa kiungwana, ikiwa ina kadi 22, kati ya hizo moja nyekundu.

JKT Oljoro nayo pia ni pango la watukutu, kwani hadi sasa ina kadi 21 na kati ya hizo mbili nyekundu, Azam nayo si haba akina Balotelli wapo wapo, kwani hadi sasa katika mechi 10 ilizocheza imevuna kadi 16, moja nyekundu, sawa kabisa na Coastal Union na Polisi Morogoro.

Prisons, Ruvu Shooting na JKT Ruvu, zote zina kadi 16 za njano tupu kila mmoja, wakati kwa wapinzani wa jadi, Yanga wanawazidi Simba kwa mchezo wa kiungwana, hadi sasa wana kadi 10 za njano na moja nyekundu, wakati mahasimu wao wana kadi 13 za njano na mbili nyekundu. Kagera Sugar wana kadi 14m, zote za njano.

P Y R T

AFRICAN LYON 11 28 2 30

MGAMBO JKT 10 23 0 23

MTIBWA SUGAR 10 20 2 22

TOTO AFRICAN 11 21 1 22

JKT OLJORO FC 11 19 2 21

COASTAL UNION 11 14 2 16

POLISI 11 15 1 16

AZAM FC 10 15 1 16

PRISONS FC 9 16 0 16

RUVU SHOOTING 10 16 0 16

JKT RUVU SC 10 16 0 16